Hanan Amani

Wulan Februari 2018 kie, aku nduwe kagiyatan akeh. Tanggal 14-15 Februari, aku simulasi UNBK sing keloro. Tepate dina Rebo karo Kemis. Dina pertama, aku olih sesi ke-3. Sesi ke-3 dimulai jam 2. Tapi, aku mangkate jam 12. Nggo siap-siap ben ora kepepet. Jebule, mulaine jam 1 kurang 15 menit. Lebih cepat lebih baik jare Pak Zuhri, kayane :'v. Mapele Bahasa Indonesia karo Matematika. Masing-masing 20 soal waktune 2 jam. Tempate nang Lab. Kom 2 SMPN 2 Tegal. Sing biasa nggo KBM IPS kelas 9.



Alhamdulillah, aku bisa ngerjakna. Aku karo kanca-kanca metu seka ruangan jam 3 kurang 15 menitan. Aku kaget. Langite mendung nemen. Aku cepet-cepet maring ngarep sekolah. Jagongan nang ngarepe perpustakaan lawas. Nembe njagong, udane langsung teka. Deres nemen. Tempat jagonganku melu teles. Akhire aku karo kanca-kanca ngadeg nang ngarepe lawang perpustakaan persis. Udane tambah suwe tambah deres. Aku wedi balik. Kira-kira sejam, udane wis reda. Aku pesen go car. Anjog umah jam setengah 5.



Cerita selanjute tentang Imlek. Imlek tanggal 16 Februari, tepate dina Jumat. Prei. Aku niatan dina kue pan dolan maring Transmart karo kancaku. Tapi, ora sida. Kancaku tangi turune awan nemen. Jam 1. Akhire aku mung glelang gleleng nang kasur, dolanan hp, nyemil, shalat, terus turu.



Sabtune, aku maring Batang. Niliki budhene. Aku maring Batang karo wong tua, kakang, terus mbah wadon. Bapakku nyewa mobil soale dong nganggo mobile dewek, ora muat. Aku siap-siap awit bar Subuh. Mamaku sing siap-siape paling suwe. Akhire aku karo sekeluarga mulai jalan jam 8. Sarapan nang warung kancane mamaku. Arane Um Budi :v. Rampung sarapan jam 9 kurangan. Nang mobil, aku mung dolanan hp buka-buka galeri, maca Wattpad, buka Instagram. Bosen nemen. Jam 12 wis anjog Batang. Jebul wong tuaku ora ngerti alamat budheku. Pan kesasar, untunge mbahku kelingan dalane. Anjog umahe budheku jam 1 kurang. Aku mangan awan, adus, lan shalat Dhuhur. Bar shalat Dhuhur, aku dingei


karo




dening budheku, jare lagi uwoh akeh.



Emang, pas nang pinggir dalan akeh kulit rambutan. Dingeine ora kira-kira, anjog 10 iket (?). Jare nggo nang perjalanan. Aku neng omah emang ora tau mangan rambutan, kecut :'v. Buah nang omahku paling buah naga, gandul, karo melon. Aku anjog sore neng kana, tapi ora jalan-jalan. Mamaku keron kucing neng omah, heu :(



Akhire, aku karo sekeluarga balik jam 3 sore. Jam setengah 5, mampir neng masjid. Dong ora salah masjid neng Pekalongan. Aku karo sekeluarga shalat Ashar sisan istirahat. Singkat cerita, aku mangan bengi jam 6 kurang, enggal Maghrib. Esih neng Pekalongan, warung garang asem gitchu, aku klalen arane. Ana wifine juga. Akhire balike jam 7 :V.  Anjog umah jam 10an. Aku kangen kucingku. Barang anjog umah malah udan, yawis beneran.




Cukup semene ceritaku hehe

Assalamualaikum wr.wb





Preinan sekolah saka tanggal 25 Desember 2017 sampe 2 Januari 2018. Aku pan nyeritakna kagiyatan preinanku. tanggal 27 Desember, tepate dina Rebo aku karo bapak, ibu, karo kakangku sekeluarga maring


paham? :v



Aku mangkat seka umah jam 7 esuk. Sebenere durung sempet sarapan soale jare bapakku mengko nang Gucine ora olih tempat parkir, lagi rame-ramene. Akhire aku karo sekeluarga mangan nang warteg. Rampung mangan jam 8. Lanjut perjalanan maring Guci. Anjoge Pasar Bojong wis jam 10, macet nemen. Bapakku ngusul ben aku, mbah, karo ibuku mlaku bae. Tapi mbahku ora gelem mlaku nanjak. Akhire, pas enggal anjog tempat parkiran, mbahku gelem mlaku. Nembe olih tempat parkiran kira-kira jam 11.


Aku langsung ngetokna barang-barangku terus mlaku manjing pemandian air panase. Pas wis olih tempat jagongan sing kabeneran pereke tempat ganti karo kolame. aku karo bapakku langsung ganti klambi nang ruang ganti. Ibu, mbah, karo kakangku mung njagani barang-barang. Bar ganti, aku maring kolam renange. Nembe sikil sing manjing banyu be wis kerasa panase. Bapakku langsung rendeman. Suwe-suwe wis ora patia panas, aku melu-melu rendeman kaya bapakku. Anget.


Kira-kira 30 menit aku karo bapakku rendeman, bapakku ngajak pindah nang kolam sing luwih cilik. Jebule kue panas nemen. Aku mung njagong silah nang pinggir kolam. Ora wani rendeman sikil. Terlalu panas jare aku. Aku milih maring tempat jagongan ibuku, aku ngelih. Bapakku tak tinggal. Aku mangan mie ayam.


Bar mangan, aku ndeleng jam. Wis jam 12. Aku maring tempate bapakku maning. Ngajak bilas, soale wis awan. Aku karo bapakku bilas neng tempat bilas, beda tempat lho ya :D. Singkat cerita, aku balik jam 1. Jam 2an mampir neng masjid pinggir dalan nggo shalat Dhuhur. Sawise shalat, bapakku ngaso neng njero mobil. Kira-kira jam 3 kurang, aku karo sekeluarga jalan maning. Aku karo sekeluarga mangan awan neng Talang. Sate kambing. Ora endorse lho :b. Singkat cerita, aku karo sekeluarga anjog umah jam 5an.






Wassalamualaikum wr.wb